අවුරුද්දත් ඇවිල්ලා..

ඔන්න හෙට අලුත් අවුරුදු ...

වාසනාවකටද කොහෙද අපෙ ගේ පැත්තටත් කොහෙක් ආවා ..
තාමත් ඇහෙනවා කොහාගෙ සද්දෙ..

කොහාගෙ හඬ  අහන්න ලැබුන එකත් වාසනාවක් !!

කොහෙද ඉතින් අද වගෙ කාලෙක කොහෙක් පැත්ත පලාතක හොයාගන්න නෑනෙ...

ගිය අවුරුද්දෙ වගේම අඹ ගස් තුන වැහෙන්නම අඹ හැදිලා ...

අනිත් එක ඊයෙ මට දවසම මැත්ස් ක්ලාස්...

අද උදෙත් මට ක්ලාස්Zz ... මැත මැත මැත ...
ඒත් වෙලාවට සර් කලින් ක්ලාස් ඉවර කරා ..
හැබැයි ඊයෙත් දවසම ක්ලාස් තිබ්බ නිසා අද ඒ කික් එකෙන්ම එපා වෙවිල්ලක් නැතුව ක්ලාස් එකේ වැඩ කරගෙන යන්න පුලුවන් උනා..
හෙටත් උදේ 6 ඉඳන් දවල් 12 වෙනකන් ක්ලාස් කරනවයි කියල සෑර් කිව්වා.. 

සෑර් එතකොට අපි අවුරුදු කන්නෙ නැද්දැ ? ළමයි ඇහුවා..
සෑර් කියාපි අවුරුද්ද අපි පන්තියේදි සමරමු, අවුරුද්දට කන්න කිරි බත් කෑල්ලක්, කොකිස් එකක්, කැවුමක් අරන් එන්න.. ක්ලාස් එකේ කාඩ් එක දැන්ම ගන්න එපා, ගනු දෙනු නැකතට කාඩ් එක ගන්න..
පස්සෙ කොහොම හරි ඒක කැන්සොල් උනා..
(සර්ගෙත් තවත් ලස්සන පොඩි ජෝක් එකක්.)
පට්ට නේද ? සොඳුරු අවුරුද්දත් අපෙන් ඈත් වීමේ අඳුරු පෙරනිමිති කිව්වලු  :P

අනික තව දෙයක් කියන්න ඕනේ ...

මේක තමයි දශක තුනක කාලයක් අපේ රට වෙළාගෙන සිටි කුරිරූ ත්‍රස්තවාදය සහමුලින්ම නැති කරල සිංහල දෙමළ අපි හැමෝම නිදහසින් සමරන දෙවෙනි අලුත් අවුරුද්ද..
ඒකට මම විවෘතවම අපේ ජනාධිපතිතුමා ඇතුළු ත්‍රිවිධ හමුදාවට ස්තුතිවන්ත වෙනවා ..

හැම අවුරුද්දකම වගේ කොණ්ඩ කැවුමක රස බලනකං මට ඉවසිල්ලක් නෑ ...

ඉතින් අලුත් අවුරුද්ද ගැන ලියන්න නම් දේවල් බොහෝමයි ...
නමුත් කාලය හරස් වෙලා ...

අවුරුද්දට කට්ට්යට උදව් කරන්න මමත් යනවා....

එහෙනම් ලබන්නා වූ සිංහල හින්දු අලුත් අවුරුද්ද කිරියෙන් පැණියෙන් ඉතිරෙන සාමය රජයන සෞභාග්‍යමත් එකක් වේවා කියල මම ඉතසිතින් ප්‍රාර්ථනා කරනවා...